Rreth nesh

Ne, tek PENDA, besojmë në fuqinë e edukimit!

PENDA përbëhet nga një grup i vogël profesionistësh të rinj të cilët kanë për qëllim të ofrojnë një platformë për njerëzit të cilët dëshirojnë të kontribuojnë në edukimin e studentëve të rinj dhe të talentuar.

Kohë pas kohe, secili nga ne has në iniciativa të dedikuara për mbështjetjen e ndonjë kauze që na intereson. Shpesh herë këto iniciativa ngelen të kufizuara si iniciativa individuale ose e një grupi të vogël njerëzish. Si rrjedhojë e kësaj, ndikohet suksesi i iniciativës në fjalë. Megjithatë, mundësitë për suksesin e iniciativave të këtilla mund të shumëfishohen në qoftë se ato mbështeten nga më tepër persona dhe realizohen në mënyrë të organizuar.

Me PENDA-n ne përfaqësojmë një organizatë joqeveritare e cila do të funksionojë nën premisat e transparencës dhe besueshmërisë së plotë. Ne dëshirojmë që të bëhemi një mjet i dobishëm në shërbim të njerëzve të cilët kanë dëshirë të kontribuojnë në edukim dhe arsim. Qëllimi ynë është që të sigurojmë bursa për studentët e suksesshëm, por jo vetëm kaq, duke marrë parasysh përvojën tonë shumëvjeçare, studentëve do t’u sigurojmë udhërëfim dhe mentorim gjatë udhëtimit të tyre drejtë edukimit.

Misioni ynë është që të përkhrahim gjeneratat e ardhëshme të profesionistëve të cilët do të kontribuojnë në rrethin e tyre. Në këtë mënyrë, ne duam të vendosim një sistem afatgjatë i cili do të mbështet këtë kauzë vite me rradhë.

Në qoftë se ndani të njëjtin vizion me ne, jeni te mirëseardhur dhe bashkangjituni me ne!